[درس] طريقة تكحيل ليتات السيارة الأمامية

[Ahmed Al-Hajary]

مرحبا

شخباركم شباب

المهم

درسنا اليوم هو طريقة تكحيل ليتات السيارة الأصلين او تجارين

وان ما فهمتو شوفو ليتات سيارتي<<<<http://www.bhrcs.com/vb/uploaded/1_01237765426.gif (http://www.bhrcs.com/vb/showthread.php?t=7760)>>مطبق عليها الدرس من قبل

(بالعربي ان نلون لون الليت من داخل عشان يصير نفس الكحل وهالشي يعطينا شكل حلو لليتات)>>او ان تسون ليتاتكم نفس اللومينا SS موديل 2005

وبنوفر في درسنا اليوم ما يقارب ال 60 دينار او 30>>السعر على حسب الكراج الي بيقص عليكم خخخخ

طبعا نوضح الامور بالتالي

الاغراض الي نبيها:

1-ماسكن تيب>>شلوشن صدام كالعادة >>>100 او 200 فلس
2-راتشز مقاس 10 >>>ان ماعندم اتسلفه من صديقك
3-صبغ ضد الحرارة اسود>>السعر على حسب النوعية وانا استعملت نوعيه ب 5 دينار من الكويتي 3M في سلماباد
4-برايمر للصبغ>>بلاستيك >تقريبا ب 3 دينار وعلى حسب المكان
5-قرطاس شامي خشن (ورق سنفرة) 300 فلس
6-قرطاس شامي ناعم 300 فلس
7-جريدة مال امس>>الوسيط زينة
7-سيليكون
--------
جميع القطع اسعارها مو ثابته
--------


نبدي الشغل:

1-نجيب ليت السيارة ونبطل الشاشة >>طبعا باستعمال ال راتشز بنبطلهم من السيارة

الطريقة مشروحة في هالصفحة
http://www.bhrcs.com/vb/showthread.php?t=1852 (http://www.bhrcs.com/vb/showthread.php?t=1852)

2-ونفك الخلفية تبع الشاشة واهية شكل الليت وتصير لونها كروم (قاعدة الليت والbulbs)
طبعا بتكون لازقة وية القاعدة بنحاول نعرضها لحرارة قوية من كشاف او من استشوار مال خواتكم العزيزات :sarcastic: وطبعا بنحتاج سكروب حق ندخله بين الشاشة والقاعدة حق نبطله

بيصير الليت ثلاثة قطع هالشكل


http://www.bhrcs.com/vb/uploaded/1_01238289518.jpg


2-نجيب قرطاس الشامي الخشن ونحك القاعدة لين ما يطير لونها عدل

http://www.bhrcs.com/vb/uploaded/1_11238289518.jpg
3-نحك بالقرطاس الشامي الناعم القاعدة مرة ثانيه حق نسوي القاعدة ناعمة ومافيها شموخ

http://www.bhrcs.com/vb/uploaded/1_21238289518.jpg

4- نصبغ القاعدة بالبرايمر وننطر لين ما يجف>>نقول 30 دقيقة في جو حلو>>طبعا نغطي فاتحات ال BULBS والكروم ان كان موجود او اي لون ما نبي نسويه مكحل>>بالوسيط او الجريدة والتيب

http://www.bhrcs.com/vb/uploaded/1_01238289612.jpg

5- بعد ما يجف البرايمر نبدي نصبغ القاعدة باللون الاسود على راحة ومن بعيد حق ما يصير اماكن فيها لون زيادة ويسيح الصبغ>>يعني شوي شوي على القاعدة عاملوها كانكم تعاملون جاهل خخ
http://www.bhrcs.com/vb/uploaded/1_11238289612.jpg

6- بعد ما تجف القاعدة (ان تحبون طقوها كلير حق اللمعة)

http://www.bhrcs.com/vb/uploaded/1_21238289612.jpg


7-احين نجيب السيليكون ونركب الليت بالقاعدة اول ويجف بعدين نركب الشاشة بالقاعدة حق يصير نفس ما شلناه من السيارة

http://www.bhrcs.com/vb/uploaded/1_01238289687.jpg

نقطة: ان تحبون نظفو الشاشة من داخل وبرة خل يصير جديد

http://www.bhrcs.com/vb/uploaded/1_11238289687.jpg


ركبوه على السيارة ووفرو على روحكم 60 دينار

http://www.bhrcs.com/vb/uploaded/1_21238289687.jpg


وهاي سيارتي

http://www.bhrcs.com/bihrSHOW/PER/lesson133.jpg

http://www.bhrcs.com/bihrSHOW/bihrcs%20(206).jpg


في هالصورة تشوفون الليتات بدون تكحيل والصورة الي قبلها سيارتي مكحلة

http://www.bhrcs.com/bihrSHOW/bihrcs%20(220).jpg

وسامحونة على القصور واي استفسار حاضرين لكم

تحيااتي
MEDO Style

[AHMED ASHOOR]

ما شاء الله


تسلم والله اخوي على الدرس


وما تقصر والله


صدقت وفروا على روحكم 60 دينار


وميدوا ساعدكم وسواها لكم ببلااش بعد شتبون


تسلم والله



والله لا يحرمنا منك يا رب

[Ahmed Al-Hajary]

مرحبا

تسلم على ردك السريع حبيبي عاشوري

شنسوي بعد خوك

شيلني واشيلك>>هاي شعاري في الموقع خخخخخ افيدكم وفيدوني

تحيااتي

[Ali Al-Sakran]

شي مو طبيعي يعطيك العافيه ميدو

بس حبيبي على ما اضن مو كل الليتات ينفتحون او يتكحلون نفس مال السفك

يعطيك العافيه

[Ahmed Al-Hajary]

مرحبا

تسلم حبيبي علي السكران

بخصوص تعليقك ان مو كل ليتات يتكحلون

صح كلامك

بس تقدر تسوي لهم حركة غير

مثلا الكرسيدا

نصبغ القاعدة مالتها خفيف>>يعني ال Spray نسويه حده شفاف بيصير حلو بعد

وكل ليت له حركته عطني شكل ليت وبعصر لك قوطي الطماط

تحيااتي

[ALGASSAB]

ما شاءالله ما شاءالله ..


تصدق امبي وااحد يسوي ليي جذيه حق ليتاتي ؟؟


يسلمو خلف جبدي على الدرس المفييييد ربي يعطيك الف صحه و عافيه ...

[GERMAN]

ماشاء الله عليك حبوب

درس روعه والكل بيستفيد منه وبوفر

انة استعملت هالطريقه على ليتات المرسيدس والبي ام

ومثل ماقال لكم مو كل ليتات تنفع معاهم هالطريقه فيه ليتات بس تكحيل خفيف

تسلم حبيبي على الدرس

وربي يعطيك الف صحه وعافيه

نتظر جديدك

[Ahmed Al-Hajary]

مرحبا


تسلم القصاب على ردك

جيب سامانك والربع بارزين

تسلم جيرمان على ردك

تحيااتي

[swiss production]

تسلم ميدو
بس يله عيل موتري امته تشتغل عليه

[عاشق SALEH]

ما شاء الله

و الله وفرت ع الاعضاء

و مثل ما قلت شيلنا و انشيلك خخخخ

مشكوووووور اخويي ع الدرس

و الله لا يحرمنا من جديدك يا الغالي

و الى الاماااااااااااام دووووووووومز

[MaRooN-BENZ]

اي ولله هاي سويتها انا وصارت مزبوطة مشالله ولاكن ناوي على شي جديد

مشكور اخوي على الموضوع وماقصرت

[مغرور وكيفي]

شيييييييييي

سهل والله

مشكور وماقصرت على الحركه الحلوه

والله يعطيك الف عافيه

[Ahmed Almarzooq]

حده فن الدرس تسلم لي ميدوو حبيبي ع هل المجهود وماقصرت حبوب

ان شاءالله نطبقه ادا اخدنه سياره .. يعطيك الف عافيه

[ALGASSAB]

على اسبوع الجاي ان شاءالله بجيب الليتااات ,,

يعطيك العافيه حقيقه

[sahwan]

يسلمووو الصراحه خوش درس


يعجبني الواحد الي يحاوس هه

[رضا]

بس عيل باجر بسوهاا على الباص مال ابوي

خخخ

يسلمووو

على الدرس


تحياتي

[Ahmed Al-Hajary]

مرحبا

مشكورين على ردودكم جميعا شبااب

القصاب و swiss اي وقت تبون انشاء الله بنطبق لكم على ليتاتكم بس جيبو السامان وامشو افا عليكم بس

تحيااتي

[Citrus 87]

اااااااخ يالكرس شلوون نكحلش ماندري
كنت بغير الليتات كاملة الى ليتات مارك تو عدسات
بس تصعبت الامور :moil:

[مـ ح ـرقي87]

مااااااااااالك حــــل احمدي .. ماشالله عليـك وعلى الدرس المحترم ^^
درررس مووووفيــد من امـه .. وانشالله الكل يستفيـد منـه
هالجمن يوم بسـ يالس افكر فهالحركـة .. يبتـــها ييـــب
تيسلمـــ ع البتااااع ويعطيكــ العافية

[الجزيري]

السلام عليكم.................

ليش نخسر
نوفر احسن
مشكور على الدرس

[Ahmed Al-Hajary]

مرحبا

citrus الكرسيدا في لها درس شلون تسويها عدسات روح راجع القسم

ومشكور على ردك

محرقاوي تسلم على ردك حبيبي

يالله اشتر لك تجاريين وطبق الدرس بيكون عجيب

الجزيري تسلم على ردك

كل شي بو رخيص عجيب ههههههه

تحيااتي

[Black Widow]

يعطيك العافيه حبيبي على التفاصيل والدرس الحلوووو

وننتظر جديدك


تحياااتي لك Black Widow

[Qassim Sahwan]

بلاوي الحب ميدو التكحيل ماليه حل
يسلموا يالغالي
وننتظر الدرايفريه نشتغل على تكحيل مواترهم

[عاشق skyline]

ماشاء الله عليك احمدي كلك ابداع ×ابداع


يسلمو ع الدرس الحلو وانشاء الله اذا ضربت في مخي اسويها على الكرونا



يسلمو مرة ثانيه ونترقب جديدك يالغالي

[bad]

سؤال بس
تنجح في الفحص
لانه قوانين المرور مال البحرين عله حدها

[Ahmed Al-Hajary]

مشكورين على ردودكم جماعة

اخوي Bad

المرور تبعنا ما ينجح موتر عليه ستيكر موقع مثلا

يعني شيل عن بالك ينجحنا بالتكحيل

ان ناوي عليها اشتر ليتات تجارية وكحلها ووقت الفحص ركب الاصلين

تحيااتي

[bad]

مشكور اخوي على الرد
بشوف الي ليتات غير وبطبق الدرس عليه

[morito0]

مشكور عالموضوع

[كابتن المدينه]

هههههههههههههه

الله يواليك الصحة والعافية ابووي

ان شاء الله باييب لك الليتات

بس سؤال لوسمحت

يصير على ليتات الايكو 2004 مثل ما يصيرون ع ليتات السفك ؟؟

عساك ع القوة

[ali4rm]

مشكووووووور على الدرس والتجربة المفييده والله وصج حرامية الكرراجات
انزين اخوي وهالحركة تصير على سيفيك 2007 لو في شي ثاني

[بــــــوعلي]

بس اليتات المكحل ممنوعه في الفحص او لا
او المكحل مع العدسه ممنوعه في الفحص او لا

[بــــــوعلي]

يعني كل المواتر ليتاتها كربون ما تنجح في الفحص ؟

[حسسسون]

درس بلاوي ومفيد وحرة للي ما عندهم عدسة ههههههه

مشكور حبي

[ابو يوسف88]

هلا خووووووووووووووي

مشكور على الموضوع الحلووو

خووووووك انا عندي هوند انتيقره موديل 1994

خاطري اسويهم بس مو عارف اخوووك

وشكرا

ابو يوسف88

[Kan Zaman]

بلاوي شغلك


عجيب الواحد اللي يبدع :p

[Ahmed Al-Hajary]

مرحبا

اخوي كابتن المدينة ايوة يصيرون ليتات ال أيكو

اخوي ali4rm السفك يالغالي اوردي من الوكالة مكحلة لا تتعب روحك ولا تخرب شي خخخخ

بو علي يالطيب الليتات المكحلة اصل من الوكالة نفس السفك 2007 وال audi وغيره هاي عادي ااما اذا انت كحلت ليتاتك ممنوع ونفس القانون يمشي على العدسات يعني لا تودي الموتر للفحص وعليه اي اضافة ياخوي

اخوي بو يوسف الانتيغرا يجون عدسات وما اظن يتكحلون لان ما ينشال الكفر الي على الليت بس هالحجي اقول لك من عندي احين لاكن ان عندك ليت مبطل جيبه وبجوف ان يتبطل بعلمك شلون تسويه>>>يعني مب اكيد تصير

ونصيحة اخوية خلها مثل ما اهية وروح محل استيكرات خله يخلي لك ستيكر على حد الليت بتصير حلوة

kan zman اشكرك على ردك ياخوي

مشكورين جميعا وسامحونة مخنا مقفل هالجم شهر من جي ماسوي شي جديد

تحيااتي

[Cute Girl]

تسلمـ ع الموضووع

يعطيك العافيه احمد الحجري ع الدرس

في انتظار دروسك الجديده

تحياتيـ

[راعي 240ل]

ما شاء الله عليك
حسافه ماتصير حق ال240 مالي خخخخخخخخخ
مشكور وماقصرت والله يعطيك العافية
دوم منور المنتدى بمواضيعك الحلوة
تسلم كفو عليك والله
تحياتي راعي ال240

[DOHC VTEC]

ماشاء الله شغل عدل

[راعي الهونداي]

درس جدا رائع و سهل
يعطيك الف عافية
بس اخوي باسالك وين انحصل البرايمر و كلير الرش ؟؟؟

[vtec22ksa]

ماشالله ابداع ربي يوفقك بس عندي ملاحظه <<<< وش فيك كل معصب الحياه حلوه ^_^