كار شو جمعية الامومه والطفوله

[شاكر سلماباد]

امس صصار كار شو في جمعية الامومه والطفوله بالتعاون مع بحرين سبيد
الحضور كان ما يقارب 30 سياره بسبب الغبار

http://www.shaker.netfast.org/bhr/

[pink-butterfly]

تسلم لي اخيي
ع التغطيه الشحلاتهـ منكـ
ولا تحرمنه من جديدكـ
وعسااكـ ع القووووو

[ALGASSAB]

يعطيك العاااااااااااافيه شاكر على التغطيه الحلوه ..

ولا تحرمنا من طلااااتك الحلوه ..

شكله الغباااااار ذبحهم خخخخخخخخخخ ::p

[WHITE GHOST]

تسلم اخوي شاكر وما قصرت ويعطيك الف عافيه

تحياتي

[azizo]

تسلم يالغالي على التغطية
الله يعطيك العافية
بس التحكيم كان ظلم
السيارات اللي ترشحت للفوز ما حصلت شي
الله كريم
و انشاء الله الشو الياي يكون احسن
azizo

[UnKnOwN]

يــاسلاام

شكراا ع التغطية :winner

[عـــكــ أبــلــيــس ـــاز]

تسلم الشكري عالصوور

بس عاد يا خوك شلون جذي
تبي تبوق سياراتنه ::p

[Ahmed Al-Hajary]

سلام عليكم

تسلم حبوب على التغطية


تصوير احلى


تحيااتي

>>30 سيارة بسبب غبار>>>>صعبة شوي لوول:blablabla

[Ali Al-Sakran]

تسلم اخوي شاكر على التغطية يعطيك العافيه

الله لا يحرمنا من تغطياتك

[GERMAN]

مشكور اخوي شاكر على التغطية

يعطيك العافية

نتظر جديدك

[Cute Girl]

شيـ الشو يعطيك العافيه ع الصور

ولا تحرمنا من يديدك

تحياتي لك

[Black Widow]

يعطيك العافيه حبووووب


تحياااتي Black Skull

[مغرور وكيفي]

واااااااااااو روعه تسلم اخووي وماقصرت والله

انه اعجبتني الماكسيما صج حلووه

[FArdanoO]

يسلموو اخــووي شـاكـر عالمووضووع ‘‘

او ربي يعطيكـ الف عافيه ‘‘

[الحنوون]

مشكوووووور اخوي شاكر بس ياريت في كل موضوع تخليه تخلي المراكز يعني من فاز من مافاز ومرة ثانية بعد مشكووور ماقصرت:yaw

[عـــكــ أبــلــيــس ـــاز]

الحنون لا تعور قلبك بالنتايج
الصراحه انه كلش مو عاجبتني النتايج
هذا رأيي انه بصرااحه غش.. كله حق ربعهم:mad:

[red ls1]

مشكور شكال على تغطية الحلوة وماتقصر احوي تسلم

[MaRooN-BENZ]

تصوير رائع مشالله عليك مشكور اخوي على موضوعك

[sahwan]

يسلموو على التغطية يا شاكر انا الحين بشوف الصور

[SVT]

تسلم اخوي شاكر على التغطيه



بالنسبه حق اخوي "AZIZO" يقول بس التحكيم كان ظلم
السيارات اللي ترشحت للفوز ما حصلت شي
الله كريم
ممكن اخوي اتقولي شنهي سيارتك؟

انا واحد من الحكام الثلاثه الي حكموا ذي الشو.


وبالنسبه حق اخوي "عـــكــ أبــلــيــس ـــاز" يقول

الحنون لا تعور قلبك بالنتايج
الصراحه انه كلش مو عاجبتني النتايج
هذا رأيي انه بصرااحه غش.. كله حق ربعهم:mad:

شنو اخوي الي مو عاجبك في النتايج؟؟؟وين كان الغش؟؟
وتقول كله حق ربعهم، تقصد ربع من؟

[شاكر سلماباد]

:raza صار في ظلم واجد:hang لانه اللنسر مالتي ما دشت<<<مو تصدقون:sick راحت عليك شاكروو

[سيدان]

السلام عليكم

يسلمو شاكر على التغظية

و إن شاء الله نشوف كل تغطياتك أول بأول

و يعطيك الصحة والعافية

[Qassim Sahwan]

الغبار دائما مايكون في التجمعات
تسلم اخوي شاكر على التغطية
والله لايحرمنا منك

[MaRooN-BENZ]

:second والله هو زين بس المفروض يكون التحكيم زين بس بعد

[red ls1]

حلو التجمع ببس بعد التحكيم لازم يكون عادل :havy

[عـــكــ أبــلــيــس ـــاز]

اوكو اخوي Svt
خلنه نكون صريحين وبدون زعل
انه كنت موجود هناك في الشو
وشفت كل شي بعيوني
لكني انه ما ابي اجيب اسامي مواتر ولا اسامي اشخاص عشان ما يكون بينه زعل ولا تقول اني من صوب اشخاص محددي
انه هذا الي اقوله رأيي انه الشخصي
وزانه اشوف ان كان في ظلم وشف في التحكيم

وارجو انك تاخذ هالكلام بروح رياضية وما تزعل.. ترى هذا مجرد رأي

[999]

مشكورين على التغطيه

وبخصوص التحكيم اخوي Svt

بشهادة ناس وايد كان التحكيم مو لي هناك

وانا عندي خبره في سوالف السيارات مو صغيره

وعلى سبيل المثال فئة اربعه سلندر سيدان

اللانسر الرصاصي احسن من جميع النواحي من السيفك الرصاصي الي حصل الاول

ولالتيماا البيضه ما اعتقد ان احد يقدر يتجاهلها لي هالدرجه

وحبيت اسال اخوي انت حسبتوا نقاط داخل الصندوق؟؟

لان السيفك والانتيغرا ما فيهم شي في الصندوق بعكس اللانسر والالتيما

وحتى من داخل ؟؟

يا ريت توضح لي اخوي شنو الغلط في اللانسر ما حصلت الاول وشنو العيب في الالتيما ما حصلت حتى الثالث

وسوري على الاطاله

والي صار صار الحين بس حبيت توضح لي

[ولد شمس]

تسلم يا الشيخ على التغطية المتميزة
و الله يعطيك العافية

[SVT]

عـــكــ أبــلــيــس ـــاز و 999 وباقي الاعضاء

شباب انا احترم رايكم ووجهة نظركم، وهذا اهو السبب الي خلاني ارد، سبب استفساري انا اني ابي اعرف توضيح اكثر لرايكم ووجهة نظركم في الشو، مع العلم اني مو ملزوم اشرح اي شي او ابرر اي شي.


اول نقطه حبيت اوضحها لكم، انه احنا ثلاثة حكام، ومثل ما انتوا لكم رايكم الخاص، احنا لنا، التحكيم كان على اساس معدل نقاط ثلاثة تقييمات، يعني كل سياره لها ثلاثة اوراق من 100 نقطه تنقسم على ثلاثة وتحصل المعدل.


ثاني شي احنا الحكام الثلاثه مانعرف بعض، فمستحيل انه احنا نتفق على راي واحد، فلو انا ظلمت سياره من السيارات نقاط الحكام الاثنين راح تكون غير اذا انا كنت متعمد وبالتالي في المعدل نقاطهم راح اتغطي نقاطي، والعكس صحيح.

وثالث شي، انا ماعرف شنو باقي الحكام تقييمهم للسيارات، فانا بتكلم عن نفسي، وبوضح لكم النقاط الموجوده في ورقة التقييم


Extrior: Cleaness, Modifications, Special paiint & graphics
Engine:Cleaness, Modifications, Chrome Poweder coatiing or Paint
Display
Wheels
Interior: Cleaness, Entertainment, Special features
Over Allالمئة نقطه كانت موزعه على الاقسام الي ذكرتها فوق،

وبالنسبه حق ورقة التحكيم انا شخصيا طلبت من جهة التنظيم انها تعرضها مع اعلان الشو، عشان الشباب الي بشاركون يكونون على علم اهمه شنو لازم يسوون، لكن لسبب من الاسباب هذي الشي ماصار.
وفي كل نقطه انا شخصيا وقفت وسالت راعي الموتر شنو من تعديلات واضافات اهو سواها "مو مثل باقي العروض الي قبل الحكم يطوف على السياره واهو ساكت ويمشي"

ورابعا، مع احترامي الشديد لاصحاب السيارات الي حصلوا على المراكز الثلاثه الاولى من كل فئة، في سيارات ماشاركت في هذي الشو، ولو كانوا مشاركين كانت المراكز بتختلف.



وخامس نقطه، مو معنى انه المنتدى الفلاني قام وصور سيارات معينه من اي شو، وذكر ومدح الفائزين، انه الفائزين بالضروره يكونون ينتمون لنفس المنتدى، لا.
وبعدين الناس في الشو الي بعده تتكلم وتقول اي هذلين ربعهم.

واخر شي حبيت اقوله شكرا على آرائكم وانا مثل ماقلت في البدايه احترم وجهة نظركم، بس الاحترام لازم يكون متبادل


وحبيت اقول لاصحاب المنتديات البحرينيه، تركوا عنكم العداوات الي بينكم والحروب النفسيه الي انتوا مسويينها، والاحزاب الي انتوا متوزعين فيها، وتعاونوا مع بعض، وانشالله بتجوفون الفرق في هذي الهوايه او الرياضه اذا حبيتوا اتسمونها
ومو صعب ان السيارات البحرينيه توصل لمستوى عالمي، لان مافي شي مايستوي

:bh

وسمحوا لي شباب اذا ضايقت احد بكلامي او طولت عليكم

[sahwan]

عزيزي Svt كلامك على العين والراس انا وياك

في نقطة ما تعجبني في التقييم الحين انت تقيم السيارة على الاقل عطني لمحة عن العيوب الي فيها علشان اتجنبها في المرات الجاية

بس يعني الحق ينقال في سيارات واجد ما تستاهل

يعني انا لو جبت مثلاً فورد موديل 99 احصل المركز الثالث على فأته ؟؟

[Ahmed Almarzooq]

صدق انه كان شو مافيه سيارات واجد وغبار لاكن

بعد كان برنامج يعطيهم العافيه القامين على هل كار شو الحلو

وتسلم حبيبي شاكر على التصوير الحلو وماتقصر

تحياتي
احمد المرزوق

[WHITE GHOST]

في البدايه بالنيابه عن ادارة المنتدى حبيت اشكر الاخ svt

على مبادرته الطيبه لتوضيح المغالطات الي حصلت في التجمع الاخير

وهالشي وايد حلو منك اخوي وكل التوضيح الي طرحته في ردك على الاعضاء

والردود تعبر عن كل شخص ووجهة نظره

وكل تجمع يصير لازم تصير هالاشيا في التحكيم لان كل شخص يشوف سيارته احسن

بس الراي الاول والاخير حق لجنة التحكيم

هو صحيح الواحد يدخل التجمعات علشان يحقق مركز بس الي اهم التعارف والروح الرياضيه في هالشي

وبخصوص الحرب النفسيه الله لا يجيب هالشي بينا وبين باقي المنتديات البحرينيه

وذي مجال كل واحد يثبت وجوده و في الاخير الهدف واحد رفع اسم رياضه السيارات في المملكه

ومرة ثانيه اشكرك كل الشكر والتقدير على كلامك وتوضيحك وما قصرت

وانشالله نشوفك كل مرة معانا اخوي

تحياتي

[SVT]

مشكور اخوي احمد
والله كان ودنا انجوفك اهناك، انشالله في المرات اليايه انجوف الـ White Ghost

ويعطيكم العافيه على هالموقع المتميز والمتخصص، وفي تطور دائم انشالله:bye

[WHITE GHOST]

مشكور اخوي احمد
والله كان ودنا انجوفك اهناك، انشالله في المرات اليايه انجوف الـ White Ghost

ويعطيكم العافيه على هالموقع المتميز والمتخصص، وفي تطور دائم انشالله:bye


انت الي مشكور اخوي على الي سويته

وانشالله تشوفنا وتشوف white ghost

في المرات اليايه

تحياتي

[Ahmed Al-Hajary]

وحبيت اقول لاصحاب المنتديات البحرينيه، تركوا عنكم العداوات الي بينكم والحروب النفسيه الي انتوا مسويينها، والاحزاب الي انتوا متوزعين فيها، وتعاونوا مع بعض، وانشالله بتجوفون الفرق في هذي الهوايه او الرياضه اذا حبيتوا اتسمونها
ومو صعب ان السيارات البحرينيه توصل لمستوى عالمي، لان مافي شي مايستوي

:bh

وسمحوا لي شباب اذا ضايقت احد بكلامي او طولت عليكم


سلام عليكم

اخوي عزيزي انا عجبتني وجهة نظرك وتفسيرك للتخكيم الي صار بالشو وكل شي انا معاك لان انا مارحت الشو وماشفت المواتر كان بقدر شوي اعلق

عزيزي... حرب المواقع والحروب النفسية والاحزاب كلها مو موجودة عندنا

احنا شبااب اصدقاء اولا واخوان اخيرا

مثلا

انا ادش شو دايما وية وايت غوست والحمد لله كل مرة نطلع ووايت غوست محصل مركز مع ان موتري بعد حلو والكل يقول هالشي:dcare

وانا اعدل وياه موتره واهوة نفس الشي ياخوي:uclip

الناس مو كلها نفس الشي:soccere

احنا ياخوي السيارة والشو ما يخلينا نتغير على بعض كلنا بني ادم وماقولك في ناس يغلطون بس الله كريم:6ba5

احنا متعاونين مع بعض يالغالي والباب مفتوح ومحد جانة وقلنا له لا احنا قروووب بحرين كار شو مانبيك لو سمحت او لازم تسوي جي جي جي جي عشان نقول انك ويانة:manama ياخوي في مواتر مسجلة باسم مواقع غير والمواقع لازمة عليها ما تشارك الا لين سمحت لها لدرجة ان واحد من الموتر التقى فينا مرة من المرات وقعد ينظف ويانة وجوه لمحله وزعلوه ولمة سالته قالي ان تقريبا زفووه



الي يسلم ما يحقرونه يردون عليه السلام ياخوي واحنا كلنا شبااب وكلنا حلوين وكلنا نمشي بمشوار الوناسة اولا وبعدين الشووو

تحيااتي لك يالغالي

:dcare

[MaRooN-BENZ]

كلامك مزبووط اخوي svt و الواحد لازم يغلط اخوي ب المفروض في تركيز شوية ومشكور اخوي وماقصرت وكلامك عدل وانا كنت في الشو اهناك وماتكلمو عن اي اغلاط على بس طالع الموتر وراح يعني ماشفته كلمني او كلم اخوي وقال لا في اخطاء له الموتر او عطانا اقتراحات والمفروض كل حكام يسوي جدي و مرة ثانية اشكرك اخوي

والصبيان المفروض ياخدونها بروح رياضية وليش العداوات ...

يسلمووو

[MaRooN-BENZ]

Extrior: Cleaness, Modifications, Special paiint & graphics
Engine:Cleaness, Modifications, Chrome Poweder coatiing or Paint
Display
Wheels
Interior: Cleaness, Entertainment, Special features
Over All

لو سمحت اخوي ترجم وفهمنا عدل حق نعرف ... http://www.bhrcs.com/vb/images/smiles/sm%20(4).gif

[jegar jan]

مشكور اخوي على الصور نتظرج جديدك :waw

[WHITE GHOST]

هذي الاشياء الي طلبت تفسيرها عزيزي maroon-benz


Extrior= المظهر الخارجي

Cleaness = نظافة الموتر

Modifications = الاضافات على الموتر ( سبويلرات - فتحات - .......الخ )

Special paiint & graphics = الستيكرات و الصبغه

Engine= المكينه

Cleaness,= نظافه المكينه

Modifications = الاضافات على المكينه

Chrome Poweder coatiing or Paint = الاشياء المطليه قليت ( كروم ) والرسومات في المكينه والصبغه داخل الحوض

Display = الديكور الخارجي حق السيارة ( ارضيه - قطن لووووووووول ::p .......الخ )

Wheels = الرنقات

Interior= التعديل الداخلي

: Cleaness= النظافه داخل

Entertainment, =التعديلات داخل الموتر ( شاشات - كراسي ريسنغ ......الخ )

Special features = اضافات خاصه ( سبشل )


Over All= التقييم العام للموتر



واي شي ثاني حاضرين لك

تحياتي

[MaRooN-BENZ]

تسلم اخوووي

[عـــكــ أبــلــيــس ـــاز]

اخوي svt
حبيت اقولك ان هذي مو سالفة منتديات ولا شي
ومن قالك ان في عداوه بين منتديات
انه شخص احب السيارات واروح واشوف وكل شي...وهذا رأي انه مو راي احد غيري
وانه اعتذر اذا رأي بيسبب لأي منتدى من المنتديات عداوات او مشاكل
لكن اعيد واكرر ان رأي انه مسؤول عنه محد غيري... المهم صار الي صار وخلاص
وانشاء الله بالتوفيق للبقيه في المرات القادمه
واتمنى ان كلامي الي قلته في رأي ما ينأخذ فكره عن منتدى او شي لأن انه مـا عندي عداوات ولا شي مع احد ولا مع منتدى ولا المنتديات فيهم عداوات بعد بين بعضهم
وارجو السمووحه اذا زعلت احد بكلامي
ترى كلنه اخواااان... وكلنه متجمعين في هواية وحده نفس ما قلت يا خووي

[THE SPEED]

:nocomment
شكرا لك اخوي شاكر



تحياتي

[Ahmed Al-Hajary]

مو شكلكم من موضوع صور قلبتوه طاولة مناوشات مال مجلس النواب؟


فضوها سيرة الريال جة وفهمكم بعد بتاكلونه على شي انتهى؟ الي فات مات واخذوها بروح رياضية وخليكم قدها وشربو ماونتن ديو خلاص:a55


يالله مشكور شاكر حبيبي على التغطية المميزة والله لا يحرمنة منك ولا من جديدك:love

[راعي bmw]

مشكور اخوي شاكر على التصوير الروووووووووووعه

والله يعطيك الصحة والعافيه

واللهلا يحرمنه من جديدك يالغالي

بس مافي صور شخصية

[مجنون السيارات]

خوش طلعة والله
سيارات عجيبة

[أغلى ناسي]

تسلم اخوووي الغالي

على الموضووع الروعه

والله لايحرمنا منك ومن طلتك يارب:papsi

[سمره والنعم فيني]

يسلمو اخوي

ع الموضوع

ويعطيك الف عافيه

[GAME OVER]

:) يعطيك العافيه اخوي شاكر على التغطيه الحلوه

عساك علقوه دوم ياربي